KKompleksi DARDANIA, i vendosur në Skënderaj, në qendër të qytetit, është rezultat i një dizajni të kujdesshëm dhe dokumentacionit të përpunuar për projektin, i përshtatur në pajtim me karakteristikat e tokës (parcelave) të prezantuara nga investitori, FS REAL ESTATE INTERNATIONAL. Ky projekt është zhvilluar duke u bazuar në kushtet urbanistike të caktuara nga Plani Rregullues për Komunën e Skënderajt. Trualli, i cili është pjesë e këtij kompleksi, përfshin parcelat kadastrale 1040-0, të përfshira në Zonën Kadastrale të Skënderajt.
Në bazë të Planit Rregullues për ngastrat e specifikuara, është përgatitur Plani Urbanistik për kompleksin DARDANIA në tërësi (Bllokun A, B, C, D, E). Ky plan është zhvilluar duke u bazuar në kërkesat e investitorit dhe ka përshtatur kushtet urbanistike, duke përfshirë një koeficient të ndërtimit fillestar të 3.0. Në rezultat të përfituar nga një bonus, ky koeficient është rritur në 5.0, duke krijuar kështu një strukturë zhvillimore të përshtatur me standardet dhe nevojat e projektit.
Funksioni i kompleksit DARDANIA shtrihet në harmonizimin e përbërësve të tij, duke krijuar një pasuri të bashkëveprueshme që përmirësojnë cilësinë e jetës. Ky kompleks rezidencial dhe afarist sjell një dimension të ri në organizimin dhe unifikimin e përbërësve të tij.
Krijimi i një standardi të ri, në aspektin e projektimit dhe përmbajtjes, dhe ruajtja e një lidhshmërie efektive mes funksioneve ka qenë një sfidë e vërtetë gjatë implementimit të këtij projekti. Tendenca për të krijuar një atmosferë të përbashkët mes të gjitha elementëve të kompleksit është thelbi i këtij koncepti.
Tipologjitë e banesave, duke ofruar qasje të drejtpërdrejtë nga rruga, shërbejnë si një formë e jetesës autonome, e pavarur nga pjesët tjera të kompleksit. Kjo ofron një nivel të lartë komoditeti, duke dalluar kompleksin DARDANIA nga objektet e tjera në treg.
Hapsirat e gjelbërimit, sistemi i garazhimit i kontrolluar, dhe materialet e përdorura në ndërtim janë elemente që së bashku kontribuojnë në tërheqjen dhe dallueshmërinë e këtij kompleksi, duke e bërë atë të shquhet në skenën e banesave të reja
Përmbajtja!
Kompleksi DARDANIA zë një hapësirë prej 1 hektari dhe përfshin Blloqet A, B, C, D, dhe E. Struktura më e lartë e këtij kompleksi banesor-afarist është 3B+S+P+11K+NK, duke përfshirë blloqet e banimit me një kombinim unik të banesave terasore, që ndahen në disa kate brenda secilit bllok.
Sipërfaqja totale e ndërtesave banimore, duke përfshirë kate 1 deri në katin 11 dhe Penthouse, është rreth 44,695.6 m2. Lokalët, përfshirë perdhesat dhe suterene, mbulojnë një sipërfaqe prej afërsisht 7,111 m2. Bodrumet, duke përfshirë kate Bodrum -1, Bodrum-2, dhe Bodrum-3, ofrojnë një sipërfaqe totale prej rreth 12,018.6 m2.
Parkingu i brendshëm, i cili përfshin kate Bodrum -1, Bodrum-2, dhe Bodrum-3, ofron rreth 275 vendparkimi, ndërsa parkingu i jashtëm siguron afërsisht 75 vende parkimi.